ПЛЁН ПРАЦЫ
ШЧЫРАСЦЬ І СТАРАННАСЦЬ, ЯК ЗАЎСЁДЫ, УЗНАГАРОДЖАНЫЯ
На палях кансервавага завода ў гарачую пару заўсёды рух і ажыўленне: ці ідзе сяўба, ці апрацоўка культур, ці ўборка ўраджаю — вялікая колькасць магутнай сучаснай тэхнікі няспынна, з усіх бакоў, ва ўсіх напрамках аператыўна праходзіць баразну за баразной, гектар за гектарам, каб, хутка і якасна зрабіўшы справу, пакінуць адзін участак і накіравацца на іншы або на падрыхтоўку да наступнага этапу работ.
Зразумела, уся гэтая прыгожая карціна, якая радуе вока, не ўзнікае сама па сабе, і машыны не самі ездзяць — усім кіруюць, рашаюць усе праблемы і дабіваюцца ўсіх поспехаў людзі. Гэта дзякуючы ім, працаўнікам поля, арганізаваным спецыялістамі і кіраўнікамі, дзякуючы таму, што ўсе яны забываюцца на выхадныя і не глядзяць ні на каляндар, ні на гадзіннік, забяспечваюцца высокія ўраджаі, вялікія прыбыткі і ў рэшце рэшт паспяховае функцыяніраванне прадпрыемства.
Чарговае дасягненне — завяршэнне ўборкі бульбы.
Па стане на 5 кастрычніка, калі з 620-ці гектараў заставалася ўбраць 24, пры ўраджайнасці 506 цэнтнераў валавы збор складаў 30147 тон.
У. МІХАЙЛАЎ.