УВАГА ДА ПОМНІКАЎ – ПАВАГА І ЎДЗЯЧНАСЦЬ ГЕРОЯМ
Напярэдадні Дня Перамогі ўсе чарговы раз звярнулі ўвагу на стан помнікаў і месцаў пахавання герояў, паклапаціліся аб чысціні і парадку каля іх. Трэба было папрацаваць на клумбах, паправіць агароджы, падтынкаваць і пафарбаваць пастаменты.
На тэрыторыі Аболецкага сельскага Савета тры помнікі воінам-вызваліцелям: у Абольцах, Гаршчэўшчыне, Алёнавічах. Іх абнаўленнем сёлета заняліся мясцовыя сельгаспрадпрыемствы і школы. Так, у Гаршчэўшчыне і Алёнавічах тынкаванне і фарбаванне ўзяло на сябе УП “Надзёжына”, добраўпарадкаванне тэрыторыі – Гаршчэўшчынская школа. На набыццё аліфы для таго, каб асвяжыць аболецкі помнік, выдзеліла сродкі ААТ “Абольцы”, а папрацавалі на добраўпарадкаванні гэтага месца пахавання 28-мі чалавек (на здымку) школьнікі.
С. АБРАМОВІЧ.