А ПОБАЧ БУДУЕЦЦА НОВАЯ…
На адной са сцен малочнатаварнай фермы “Падбярэззе” сельгаспрадпрыемства “Талачынскі райаграсэрвіс” — выява вясёлай дзяўчынкі са жбаном малака ў руках. Зірнеш — і паляпшаецца настрой. Вось і ў галоўнага заатэхніка гаспадаркі Віктара Леанідавіча Шчуплянкова ён прыўзняты, бо практычна закончана рэканструкцыя фермы. Ён расказаў, што завершаны ўсе ўнутраныя работы. Памяшканне гатова да пастаноўкі кароў на зімовы перыяд. Запушчаны малакаправод, устаноўлены халадзільнік для захавання малака.
Для работнікаў абсталяваныя падсобныя памяшканні, яны будуць ацяпляцца новай кацельняй. Наладжаны і падрыхтаваны да работы транспарцёры для выдалення гною. Арганіка адразу будзе вывозіцца на палі гаспадаркі.
Віктар Леанідавіч зазначыў, што каровы зараз знаходзяцца на пашы. Пакуль ёсць чым карміцца на полі, то няма неабходнасці ставіць іх у памяшканне. Ён звярнуў нашу ўвагу, што паралельна з рэканструяванай пачынаюцца работы па будаўніцтве новай малочнатаварнай фермы на 200 галоў з даільнай залай.
А. СЕРАДА.