“СУПЕРМАМА”
Пад такой назвай на мінулым тыдні прайшоў прысвечаны Дню маці раённы конкурс сярод маладых шматдзетных, прыёмных і апякунскіх сем’яў, арганізатарамі якога выступілі аддзелы па справах моладзі і адукацыі райвыканкама. Яго мэта — прыцягненне ўвагі да дэмаграфічнай сітуацыі ў краіне і раёне.
Конкурс праводзіўся ў завочнай форме: удзельнікам загадзя былі дадзеныя заданні, якія затым ацэньваліся журы непасрэдна на даму. Па выніках чатырох конкурсаў пераможцамі сталі Вольга Жыркевіч, Людміла Маляўка з Райцаў і Наталля Панамарова з Талачына. Жанчыны і іх сем’і атрымалі памятныя падарункі і дыпломы.