КНІЖНЫЯ НАВІНЫ

У чытальную залу раённай бібліятэкі ў апошнія два месяцы паступілі новыя кнігі па прыродзе, тэхніцы, эканоміцы, мовазнаўстве, гісторыі і культуры, якія размешчаны на стэндзе “Навінкі кніжных паліц”. Сярод іх ёсць кнігі для аматараў легкавых аўтамабіляў, па менеджменту, еўра-слоўнік, атлас-даведнік пра акварыумных рыбак. Тыя, хто цікавіцца беларускай мастацкай культурай, у кнізе Аркадзя Русецкага і Юрыя Русецкага “Мастацкая культура Віцебскага паазер’я” са шматлікімі ілюстрацыямі знойдуць шмат новага для сябе. З заснаванай у 2011 годзе серыі “Летапіс беларускай шляхты”, прысвечанай гісторыі беларускіх родаў ад найстаражытнейшых часоў да нашых дзён, таксама паступілі 3 тамы А.В. Статкевіча-Чабаганава “Я  — сын ваш”. Кнігі змяшчаюць кароткае апісанне і радаводныя роспісы, а таксама займальныя сюжэты і цікавыя факты з жыцця прадстаўнікоў беларускай шляхты, копіі гістарычных дакументаў і фотаздымкаў.