КАНФЛІКТ ПАКУПНІКА І АХОЎНІКА
Канфлікты паміж пакупнікамі і ахоўнікамі ў гандлёвых кропках — з’ява нярэдкая. У прыватнасці, часта ўзнікаюць спрэчкі, звязаныя з аднаго боку з нежаданнем наведвальнікаў крамы пакідаць свае сумкі ў камеры захоўвання і з другога — са спробамі ахоўнікаў правесці агляд асабістых рэчаў пакупніка на выхадзе.
Скаргі, юрыдычныя кансультацыі, абмен вопытам (напрыклад, што адказаць ахоўніку, каб паставіць яго ў тупік і прымусіць адчапіцца ад сябе) — у інтэрнэце поўна публікацый на гэтую тэму. Даводзіцца сутыкацца з падобнага роду непаразуменнямі і жыхарам Талачына, у прыватнасці, наведвальнікам універсама “Талака”. Сістэма самаабслугоўвання, вялікі асартымент тавараў — усё гэта прываблівае не толькі добрасумленных пакупнікоў, але і зладзеяў. Таму і прадаўцам, і ахоўнікам неабходна пастаянна праяўляць асаблівую пільнасць. Але ці заўсёды яны робяць гэта абгрунтавана, у рамках сваіх паўнамоцтваў, не парушаючы правы сумленных грамадзян?
Часам можна пачуць нараканні талачынцаў на тое, што даводзіцца перажываць сорам, беспрычынна становячыся аб’ектам падазрэнняў з боку аховы. Людзей зневажае і патрабаванне прад’явіць сумку для агляду, і тое, што супрацоўнік аховы ходзіць следам, “вісіць над душой”, пакуль пакупнік не пакіне краму. Адна грамадзянка нават звярнулася на “прамую лінію”, прысвечаную пытанням абароны правоў спажыўцоў, якая прайшла 13 сакавіка з удзелам прадстаўнікоў райвыканкама, райспажыўтаварыства, прадпрыемства бытавога абслугоўвання, раённага суда і іншых арганізацый. [...]
Працяг чытайце ў нумары газеты за 16.03.2013: артыкул С. Абрамовіча “У чым прычына канфлікту пакупніка і ахоўніка?”.
