Дзень нараджэння — у Дзень Рэспублікі
Традыцыйная рэспубліканская акцыя Грамадскага аб’яднання “Белая Русь” пад назвай “Белая Русь з любоўю да дзяцей” сёлета зноў, ужо трэці раз, закранула і наш раён. 3 ліпеня, у Дзень Незалежнасці, прыемная падзея адбылася ў сям’і Дзмітрыя і Алены Маханькоў з Талачына — у іх нарадзілася дачка.
А 5 ліпеня павіншаваць маму нованароджанай прыйшлі ў раддом старшыня раённай структуры ГА “Белая Русь” Рабікава Г. А. і намеснік старшыні райвыканкама Галубкова І. С.
Прыемна, што дзяўчынка будзе не адзінай у сям’і: у Алены і Дзмітрыя ўжо ёсць хлопчык, двухгадовы Арсеній. А дзяўчынку, як паведаміла Алена, збіраюцца назваць Дзіянай.
Дзмітрый працуе механізатарам у ААТ “Каралькі”, Алена да выхаду ў дэкрэтны водпуск рабіла на хлебазаводзе. Галіна Анатольеўна і Іна Сцяпанаўна ўручылі шчаслівай маладой маме падарунак, павіншавалі з папаўненнем і пажадалі ёй і яе родным, блізкім людзям поспехаў у працы, ладу і дабрабыту ў сямейных справах.
С. АБРАМОВІЧ.