Новы экскаватар — вельмі патрэбны і перспектыўны набытак
На пачатку жніўня машынны парк прадпрыемства меліярацыйных сістэм папоўніўся новым гусенічным экскаватарам “ТВЭКС ЕТ-18″ (узяты ў лізінг).
Такім чынам, на сённяшні дзень у ПМС ёсць 5 гідраўлічных экскаватараў і 1 тросавы. Апошні хоць і ўстарэлы, але ў некаторых відах меліярацыйных работ бывае проста незаменным. Што да забяспечанасці меліярацыі адпаведнымі кадрамі, то ні адна з гэтых землярыйных машын не будзе прастойваць. Больш за тое, як паведаміў дырэктар прадпрыемства Лемешаў У. М., пры наяўнасці адпаведных аб’ёмаў заказаў і фінансавання можна было б арганізоўваць работу экскаватараў нават у дзве змены або ў рэжыме падоўжанага працоўнага дня.
С. АБРАМОВІЧ.