Ёсць каму і каго вучыць
Прыемна адзначыць, што на фоне неспрыяльнай у апошнія гады дэмаграфічнай сітуацыі сёлета ў раёне не праводзіліся ні закрыццё, ні рэарганізацыя ўстаноў адукацыі. Такім чынам, у 2013-2014 навучальным годзе ў нас будуць функцыяніраваць 18 устаноў агульнай сярэдняй адукацыі, 4 базавыя, 2 пачатковыя школы, цэнтр карэкцыйна-развіваючага навучання і рэабілітацыі, цэнтр дзяцей і моладзі, дзіцяча-юнацкая спартыўная школа. Што да ўстаноў дашкольнай адукацыі, то іх на цяперашні час 20. Чэргаў у дзіцячыя сады няма, але ў гарадскіх існуе праблема перапоўненасці на 10%.
Па стане на 30 жніўня ў агульнаадукацыйных установах раёна налічваецца 2624 навучэнцы.
У першыя класы ў гэтым навучальным годзе прыйшлі 252 вучні, пры гэтым 101 першакласнік будзе займацца на базе дашкольных устаноў. Дабірацца да месца вучобы на розных відах транспарту будзе 631 вучань, з іх 324 — школьнымі аўтобусамі, 40 — рэйсавымі, 267 — па даведках на бясплатны праезд у гарадскім транспарце.