У Талачыне праводзіцца рэканструкцыя вуліцы Энгельса
Вуліца Энгельса на вачах змяняецца. Учора дзесьці быў дэманціраваны стары бардзюр — сёння ўжо ўстаноўлены новы, у іншым месцы поўнасцю дэманціравана старое асфальтавае пакрыццё тратуара, каля аўтобуснага прыпынка з’явілася так званая “кішэня” — заезд для аўтобуса…
Работы выконвае ДБУ-63. Прыемна бачыць на вуліцы шмат тэхнікі, у тым ліку і самыя сучасныя, новыя машыны, шмат людзей, якія з веданнем справы і ахвотна працуюць. Ужо можна спакойна ехаць па мосце праз Друць (каля будынка суда), не падскокваючы на ямках і не баючыся за падвеску аўтамабіля: на гэтым адрэзку дарогі поўнасцю пакладзены новы асфальт. Застаецца толькі пажадаць, каб да надыходу зімы надвор’е спрыяла паспяховаму завяршэнню ўсіх запланаваных мерапрыемстваў па рэканструкцыі вуліцы.
С. АБРАМОВІЧ.
У Талачыне праводзіцца рэканструкцыя вуліцы Энгельса,
