Прычына перабояў з вулічным асвятленнем: кампетэнтны каментарый
Апошнім часам жыхары райцэнтра скардзіліся на праблемы з вулічным асвятленнем: у розных частках горада, як на ўскраінах, так і ў цэнтры, не працавалі асобныя ліхтары, або, здаралася, заставаліся цёмнымі нават цэлыя вуліцы.
Напрыклад, 5 снежня жыхар вуліцы Савецкай паведаміў рэдакцыі, што ў канцы вуліцы не гараць два ліхтары (вечарам, калі сцямнела, журналіст выехаў на месца і пераканаўся ў гэтым, але ўжо назаўтра праблема была вырашана: электрыкі талачынскага камунгаса замянілі ў ліхтарах лямпы). Раней, 2 снежня, стала цёмна на вуліцы Піянерскай – ад музея да паварота на бібліятэку.
Каб высветліць прычыну перабояў з асвятленнем, мы звярнуліся да дырэктара ДП “Талачын-камунальнік” Хадневіча І. Г. і намесніка старшыні райвыканкама Арэха І. В.
– Ліхтары па горадзе ў асноўным спраўныя, а ў тых, якія не свецяць, патрэбна проста замяніць лямпы, – паведаміў Арэх І. В. – Толькі праблема была ў тым, што нам давялося задзейнічаць вышку камунгаса на будаўнічым аб’екце – на доме па вуліцы Леніна, 91А, каб хутчэй забяспечыць увод яго ў эксплуатацыю. У сувязі з гэтым камунальная служба не заўсёды мела магчымасць аператыўна рэагаваць на заяўкі грамадзян наконт вулічнага асвятлення. Цяпер вышка ўжо свабодная – і праблема асвятлення будзе вырашацца больш эфектыўна.
Аналагічнае тлумачэнне даў і дырэктар камунгаса, дадаўшы пры гэтым, што вышка была задзейнічана яшчэ і ў рамонце першай школы.
Па-рознаму, канечне, можна ўспрыняць такую сітуацыю: можна заняць пазіцыю “нічога не хачу ведаць, абавязаныя – выконвайце”, а можна і паставіцца з разуменнем, бо праблем жыццезабеспячэння ў нас нямала, а магчымасці для іх вырашэння абмежаваныя.
С. АБРАМОВІЧ.
Народная примета:
Если на ул. Пушкина появился гейзер, в том месте, где летом меняли теплотрассу, значит скоро дома по ул. Лузгина останутся без отопления.
Чтобы заменить лампочку нужна вышка??? А вертолет не нужен?
Для этих целей всегда использовали когти.
Кто хочет работать – ищет возможности, а кто не хочет – причину (народная мудрость).