Калядныя ўзоры
Пад такой назвай сёння ў цэнтральнай раённай бібліятэцы адбылася прэзентацыя вырабаў майстроў з раённага Дома рамёстваў.
Творы выкананы ў народным стылі са скуры, саломкі, лазы, гліны. На выставе прадстаўлены шэраг вышытых карцін і выцінанак з паперы, плеценыя вырабы з бісеру з выкарыстаннем навагодніх матываў. Пасля прэзентацыі майстры прадэманстравалі сваё ўменне перад наведвальнікамі. Можа хтосьці з іх пажадае папоўніць гурткі, якія працуюць пры Доме рамёстваў, альбо купіць цудоўныя вырабы ў якасці святочных падарункаў.
Работнікі бібліятэкі падрыхтавалі таксама выставу кніг па народна-прыкладным мастацтве “Повязь часоў – беларускія рамёствы”.