Славенская СШ: па-навагодняму святочна і незвычайна
Пераступаеш парог Славенскай сярэдняй школы і быццам трапляеш у навагоднюю казку. Усё фае зіхаціць яркімі ўпрыгажэннямі.
Акрамя традыцыйнага дожджыка, пад столлю развешаны рознакаляровыя падвескі, сняжынкі, шарыкі, цацкі. Перад уваходам на нябачнай нітачцы беласнежныя мініяцюрныя фігуркі балерын, вырабленыя са звычайнай паперы, застылі ў плаўным танцы. Кожны элемент прыцягвае да сябе нечаканасцю, арыгінальнасцю выканання з розных матэрыялаў. Цэнтральнымі фігурамі навагодняй кампазіцыі з’яўляюцца вясёлыя снегавікі, якія ўрачыста стаяць на варце каля галоўнай гераіні — навагодняй прыгажуні-ёлкі.
Задумка ўсёй гэтай прыгажосці належыць настаўніцы працы Святлане Арсенцьеўне Журавай, якая разам са сваімі вучнямі рыхтавала ўпрыгажэнні, тым самым стварыўшы для ўсіх святочны ўзнёслы настрой.
А. СЕРАДА.