На мове сяброўства і творчасці
У нядзельны святочны дзень у Райцаўскім СДК прайшла вечарына пад назвай “Паэзія — ад Пушкіна да нашых дзён”. У мерапрыемстве прынялі ўдзел паэтычнае аб’яднанне “Млын” Новалукомльскай гарадской бібліятэкі, народная паэтычная гасцёўня “Друць” Талачынскага ГДК і паэтычны клуб “Дручане” раённага цэнтра дзяцей і моладзі.
Разам з кіраўніком аб’яднання “Млын” Васілевіч Н. А. прыбылі паэтэсы Скачко Н. У. і Губарава А. С., а таксама самадзейны кампазітар-бард Жураўлёў В. Л. і фатограф Зайцаў У. М.
Удзельнікі аб’яднання “Млын”, якое дзейнічае ў горадзе энэргетыкаў на працягу пяці гадоў, падзяліліся творчымі здабыткамі, прачыталі свае вершы.
У сваю чаргу здабыткамі ў творчасці падзялілася кіраўнік клуба “Дручане” Жаўняровіч Т. М., а таксама ўдзельнікі клуба Хусаінава Ганна, Жураўлёва Вольга і Павадырова Дар’я.
Свае вершы прачыталі Дарафееў Я. В., Халецкая Л. К., Шчыгельская З. П., Кастрыца К. І., Васілеўская М. У. і кіраўнік гасцёўні Чаплянок У. А.
Перад прысутнымі выступіў запрошаны на вечарыну ганаровы грамадзянін Талачынскага раёна, краязнаўца Шнэйдар А. А.
Самадзейныя артысты Раіцкага СДК выканалі песні на словы рускіх і савецкіх паэтаў.
Сваё майстэрства ігры на баяне прадэманстраваў настаўнік Талачынскай школы мастацтваў Берастаў С. В. Віртуознае валоданне ігрой на гітары паказаў і наш госць Жураўлеў В. Л.
Сустрэча паклала пачатак і асабістаму знаёмству яе ўдзельнікаў, і творчаму супрацоўніцтву.
У. ЧАПЛЯНОК.
