ААТ “Звянячы”: сітуацыя выглядае безнадзейнаю, але людзі могуць і хочуць працаваць
У няпэўным становішчы застаецца ААТ “Звянячы”. Больш за месяц на прадпрыемстве няма кіраўніка, і складваецца такое ўражанне, што наўрад ці хто-небудзь захоча ўзваліць на свае плечы такі груз — прыняць адказнасць за гэтую шматпакутную праблемную гаспадарку. Чаго варты толькі баршчэўнік, які за апошнія гады заглушыў не адзін гектар зямлі!
— Быў тут адзін нейкі, пару дзён пабыў і знік, — расказалі работнікі прадпрыемства, калі мы сустрэліся з імі на мінулым тыдні. — Пасля яшчэ хтосьці прыехаў, сустрэўся з намі, пагутарыў і сказаў, што зараз паедзе ў Ляўкова на ферму. Як паехаў, так і не бачылі мы яго з таго часу.
Пастухі ў час нашай сустрэчы спрабавалі даць рады сонечным батарэям, штосьці не ладзілася, на дрот не паступала напружанне. На мехдвары таксама было ўсё ў руху, вяліся рамонтныя работы з тэхнікаю, раздаваўся звон металу і бліскала электразварка. Настрой у людзей розны, хтосьці іранізуе над сваім становішчам, хтосьці скардзіцца, але той факт, што яны працягваюць тут працаваць, не можа не выклікаць павагі: нягледзячы на ўсю складанасць становішча, на нізкія заробкі і адсутнасць пакуль што перспектыў, застаюцца вернымі свайму прадпрыемству, свайму прызванню, сваёй зямлі.
У. МІХАЙЛАЎ.
ААТ "Звянячы": сітуацыя выглядае безнадзейнаю, але людзі могуць і хочуць працаваць,
У меня жена работает там зоотехником, она даже на фото, не работал бы там никто, если бы ни казенное жилье или безысходность, платят копейки, так и работают.