Ураджай-2014: сярод тысячнікаў — вопытныя камбайнеры
Сёння ў сельгаспрадпрыемстве “Камсамольская праўда” камбайны выйшлі ў поле пазней звычайнага — напярэдадні прайшоў дождж. Разам са старшынёй райкама прафсаюза работнікаў АПК Верай Зуевай мы наведаліся сюды, каб павіншваць з намалотам у тысячу тон хлеба старшага камбайнера Аляксандра Рубановіча і камбайнера Аляксандра Шарснёва.
Вера Іванаўна звярнулася да механізатараў з цёплымі словамі падзякі за добрую працу, уручыла каштоўныя падарункі.
У складзе экіпаж — вопытныя камбайнеры. Аляксандр Рубановіч робіць ў гаспадарцы амаль дваццаць гадоў. Калісьці пераехаўшы з Оршы, тут з сям’ёй і прыжыліся. Аляксандр Шарснёў — таксама механізатар са стажам. Жыў у Расіі, працаваў у сельскай гаспадарцы. Тры гады таму вярнуўся на радзіму, ўладкаваўся ў мясцовым сельгаспрадпрыемстве. Рашэннем праўлення яму быў выдзелены новы добраўпарадкаваны дом. Зладжанасць у працы камбайнераў – галоўная ўмова дасягнення высокіх паказчыкаў.
А. СЕРАДА.