Новыя прадпрыемствы Талачыншчыны
З пачатку года ў раёне было зарэгістравана (па стане на 1 снежня) 11 новых прадпрыемстваў і 76 індывідуальных прадпрымальнікаў.
Як паведамілі ў аддзеле эканомікі райвыканкама, прадпрымальнікі займаюцца ў асноўным гандлем, а сярод прадпрыемстваў ёсць і гандлёвыя, і вытворчыя (выпуск жалезабетоннных канструкцый, тратуарнай пліткі і іншай падобнай прадукцыі, гандлёвага і складскога абсталявання), а таксама прадпрыемствы па аказанні паслуг (таксі, рэстаран).
Дакладна сказаць, колькі новых працоўных месцаў далі раёну ўтвораныя суб’екты гаспадарання, пакуль немагчыма, на цяперашні час можна гаварыць аб некалькіх дзясятках, таму што дзейнасць пачалі яшчэ не ўсе зарэгістраваныя прадпрыемствы.