У першынстве Коханава па валейболе перамагла зборная гарпасёлка
Завяршылася штогадовае першынство гарпасёлка Коханава па валейболе. Удзел у ім, нагадаем, прынялі 5 камандаў, гульні праходзілі ў канцы лістапада — пачатку снежня.
Як паведаміў старшыня сельвыканкама Барышаў М. Я., тры прызавыя месцы занялі адпаведна зборная каманда Коханава, каманда завода “Белтрубпласт” і каманда Коханаўскай школы. Дзякуючы спонсарскай і арганізацыйнай дапамозе “Белтрубпласта” і ФСК “Ніва” пераможцы ўзнагароджаны кубкамі, медалямі і граматамі. Акрамя таго, як лепшаму іграку з ліку моладзі прыз уручаны вучню Коханаўскай школы Івану Сакалоўскаму.