Прыдарожны сэрвіс: акцэнт на нацыянальнай кухні
Аб намеры папулярызаваць у пунктах грамадскага харчавання, у тым ліку і ў прыдарожных кафэ, беларускую нацыянальную кухню Белакаапсаюз аб’явіў яшчэ летам. У прыватнасці, з гэтай мэтаю было распрацавана тыпавое меню (спіс страў, рэкамендаваных пры фарміраванні асартыменту).
14 верасня мы наведалі прыдарожнае кафэ «Імпульс» (належыць райспажыўтаварыству) на трасе М1 і пераканаліся, што адпаведная работа праведзена і тут. Каля ўваходу ў кафэ размешчана рэкламная стойка з запрашэннем пачаставацца нацыянальнымі стравамі.
— Дранікі, мачанка, яешня з каўбасою, вараная бульба — гэтыя і іншыя традыцыйныя беларускія стравы заўсёды прысутнічалі ў нашым меню, — расказала буфетчыца Жанна Зуева. — Таму можна сказаць, што цяпер мы проста акцэнтавалі на іх увагу. Выглядае сімвалічна, што адбылося гэта напярэдадні «Дажынак». А яшчэ да свята мы асвяжылі фасад будынка, абнавіўшы вывеску на ім.
Уладзімір МІХАЙЛАЎ.
Відаць, не пачаставалі Вас, паважаны аўтар. А калі б пачаставалі, атрымалі б добрую рэкламу на старонках газеты і на сайце.