Аб “Дажынках” будуць напамінаць сувеніры
“Дажынкі-2015” надоўга застануцца ў памяці жыхароў Талачына і яго гасцей. Кожны стараўся прыдбаць нешта пад свой густ. Хтосьці купляў вырабы народных умельцаў з Дамоў рамёстваў, рамеснікаў, камусьці даспадобы прыйшліся смачныя караваі, мёд ці журавіны. Многія прыдбалі кветкі, каб упрыгожыць клумбы каля дамоў. Зазірнуць у гандлёвую палатку раённага вузла паштовай сувязі ветліва запрашаў вельмі абаяльны вожык.
Той, хто прыняў запрашэнне, не пашкадавалі. Адзенне, ільняные ручнікі і пасцельная бялізна, іншыя тавары беларускіх прадпрыемстваў прыходзілі купляць нават прадаўцы з суседніх гандлёвых палатак. Акрамя прыгожай расфарбоўкі прываблівала пакупнікоў і цана вырабаў. Але, як паведамілі дзяўчаты з пошты, найбольшым попытам карысталіся паштоўкі, каляндарыкі, магніцікі, кубачкі з адлюстраваннямі гістарычных памятнікаў і краявідаў Талачыншчыны. Выставу на вітрыне прыходзілася некалькі разоў абнаўляць.
Такая гандлёвая акцыя мясцовых паштавікоў прыйшлася многім даспадобы і варта добры пачын падтрымваць і далей падчас правядзення народных гулянняў і кірмашоў.
Марыя ХМЯЛЮК.
Аб “Дажынках” будуць напамінаць сувеніры,
