Каровы атрымліваюць паўнацэнныя прагулкі і зараз
Яшчэ летам жывёлаводы малочнатаварнага комплексу “Варанцэвічы-2″ падрыхтавалі памяшканні да зімова-стойлавага перыяду. Пабялілі сцены, зрабілі неабходны рамонт. На комплексе 529 галоў жывёлы, усё лета каровы знаходзіліся на палявой дойцы.
Першы статак быў пастаўлены ў памяшканне 9 верасня, другі — пазней на дзесяць дзён. Загадчыца комплексу Маргарыта Уладзіміраўна Свірыдава заўважыла, што і зараз у другой палове дня статак выганяюць у поле. Сярэднясутачны надой зменшыўся да 10 кг малака на карову, і на гэта ёсць свае прычыны. Перш за ўсё зніжэнне надояў звязана са зменай корму, з павелічэннем колькасці запускаў.
Штат работнікаў фермы ўкамплектаваны. Працуюць пяць даярак, таксама адна падменная. Два даглядчыкі падвозяць кармы. Сярэдні ўзрост работнікаў комплексу — каля сарака гадоў. На тэрыторыі фермы чыста, добраўпарадкавана, знайшлося месца і для кветак. Аднак добрае ўражанне псуюць зараснікі высокай, зараз сухой травы, на другім баку комплексу. Гэтага, зразумела, не павінна быць, бо асаблівых намаганняў, каб і тут быў парадак, яно не патрабуе.
Алена СЕРАДА.
НА ЗДЫМКУ: нованароджанае цяля з комплексу “Варанцэвічы-2″.
А Божухны, як жа цікава чытаць пра каровін шпацыр і быльнёг за плотам
)))