Раіцкі клуб “Забава” прызнаны адным з лепшых у вобласці
Клуб аматараў фальклору “Забава” дзейнічае на базе аўтаклуба ўсяго другі год. Але маленькіх артыстаў, вучняў Раіцкага дзіцячага сада-пачатковай школы, захапіла творчая праца па адраджэнні дзіцячага фальклору і магчымасці ўдзельнічаць у народных святах і абрадах.
Крапатлівая праца калектыву не засталася без увагі абласнога кіраўніцтва. Ён быў запрошаны на ХI абласны агляд-конкурс фальклорнага мастацтва дзяцей і моладзі “Ад прашчураў — да зор”, які праходзіў у канцы лютага ў Расонах.
Сярод шматлікіх дзіцячых і маладзёжных калектываў з іншых раёнаў клуб “Забава” сур’ёзна заявіў аб сабе і атрымаў дыплом “Лепшы фальклорны калектыў у намінацыі “Народныя гульні”.
Яму зроблена прапанова прыняць ўдзел у праграме “Славянскія казкі” ў рамках фестывалю “Славянскі базар у Віцебску”.
Людміла ЖДАНОВІЧ,
дырэктар аўтаклуба.
Фота газеты “Голас Расоншчыны”.