ААТ “Жукнева”: галоўная задача — захаваць пагалоўе
У сельгаспрадпрыемстве “Жукнева” налічваецца каля 1800 галоў буйной рагатай жывёлы. З іх 607 дойных кароў, астатнія — цялушкі і бычкі на адкорме.
На сённяшні дзень надоі складаюць 8,7 кілаграма малака на адну карову, гэта на 1,8 кг больш, чым у мінулым годзе. Нягледзячы на плюс гаспадарка займае дзявятае месца па вытворчасці малака сярод сельгаспрадпрыемстваў раёна. Прычыны невысокіх паказчыкаў, як растлумачыў галоўны заатэхнік Валерый Раманавіч Любецкі, перш за ўсё ў недахопе кармоў.
Нялёгка прыйшлося восенню нарыхтоўваць іх пры неспрыяльных умовах надвор’я. Ды яшчэ падвяла тэхніка — выйшаў са строю кормаўборачны камбайн. Адрамантаваць яго стараліся як мага хутчэй, але аптымальныя тэрміны нарыхтоўкі былі ўпушчаны.
Галоўны заатэхнік прыкідвае, што корму хопіць прыблізна да сярэдзіны красавіка. Потым за дапамогай прыйдзецца звярнуцца да суседніх гаспадарак, каб захаваць пагалоўе жывёлы. Як адзначыў Валерый Раманавіч, уся надзея на летні выпас кароў, а ён па ўсіх паказчыках сёлета пачнецца раней звычайнага.
Вольга Леанідаўна Пальчэўская працуе загадчыцай комплексу “Жукнева” чатыры з паловай гады. Пагалоўе дойнага статка налічвае 174 галавы, астатнія цялушкі.
У калектыве працуюць чатыры аператары машыннага даення, адна падменная даярка, двое начных і адзін дзённы вартаўнікі, а таксама тры даглядчыкі жывёлы. Усе яны добрасумленна выконваюць свае абавязкі.
На сённяшні дзень на комплексе надойваюць 9,5 кілаграма малака на адну карову, гэта лепшы паказчык па гаспадарцы.
Алена СЕРАДА.
НА ЗДЫМКУ: Старыкава С. Л., Любецкі В. Р., Пальчэўская В. Л., Берастава Г. А., Малашкевіч М. В., Шаповіч А. І.
Усе яны добрасумленна выконваюць свае абавязкі. ХТО ДРЭННА ВЫКОНВАЕ СВАЕ АБАВЯЗКI?