Прысады ўздоўж бетонкі прымуць новае аблічча
ДРБУ-147 прыступіла да ўборкі аварыйных дрэў і абрэзкі ўсохлых частак здаровых уздоўж прыдарожных палос. У цяперашні час работы вядуцца па прывядзенні ў парадак дарогі Талачын — Валосава. Ёсць магчымасць штодзень накіроўваць на ўборку паласы 10 — 12 чалавек. Драўніна складваецца ў штабелі і адвозіцца на базу, дзе будзе потым скарыстоўвацца для ацяплення вытворчых памяшканняў.
Як заўважыў дарожны майстар Ігар Міхайлавіч Рык, у правядзенні гэтай работы нельга прамарудзіць, бо хутка дрэвы пачнуць раскрываць лісцё. Ды і наогул трэба ўкласціся ў рамкі месячніка па навядзенні парадку да майскіх дзён.
Вынік пачатай дарожнікамі справы відавочны. Дарога пачысцела, пасвятлела, папрыгажэла. Да ўсяго стала яшчэ і больш бяспечнай.
Віктар МІКАЛАЕЎ.
НА ЗДЫМКУ: злева направа Ігар Рык, Уладзімір Лемешаў і Яўген Шкуратаў на ўборцы прыдарожнай паласы.