Той выпадак, калі скардзіцца трэба толькі на самога сябе
Кучу цэглы, абрэзкі гіпсакардону і гару абрэзанага з дрэў голля ўбачылі мы каля кантэйнернай групы на вуліцы Набярэжнай у Талачыне, калі з’явіліся туды па прапанове аднаго з мясцовых жыхароў. Запрасілі нас для таго, каб даць негатыўную ацэнку працы жыллёва-камунальнага прадпрыемства, і гэтыя кучы якраз павінны былі стаць доказам неналежнага выканання камунгасам сваіх абавязкаў.
Карціна, бясспрэчна, непрывабная, так быць не павінна. Але прычым тут камунгас? Кантэйнеры ў час нашага візіту былі пустыя, і нават сам наш субяседнік паведаміў, што смецце з іх вывозіцца рэгулярна. Што ж да буйнагабарытных адходаў, то на гэты конт ужо даўно аскома набітая, на старонках газеты з’яўлялася не адна і не дзве публікацыі, у якіх са спасылкаю на розных афіцыйных асоб тлумачылася: для вывазу будаўнічых адходаў і голля дрэў неабходна заказваць у ДП “Талачын-камунальнік” прычэп.
Адна з апошніх такіх публікацый — “Год культуры абавязвае задумацца і над пытаннямі аховы навакольнага асяроддзя” — была змешчана ў нумары за 3 лютага. У ёй, нагадаем, начальнік і галоўны спецыяліст раённай экалагічнай інспекцыі паведамлялі, што камунгас на платнай аснове вывозіць буйнагабарытнае смецце, а за парушэнне правілаў абыходжання з адходамі на фізічную асобу можа быць накладзены штраф.
Увогуле, колькі папрокаў кідае насельніцтва камунальным службам за неналежнае абслугоўванне кантэйнераў, столькі ж, калі не больш, маглі б і камунальныя службы кінуць у адрас грамадзян. Некаторыя нібыта яшчэ не выйшлі з узросту немаўлят — прывыклі ўсё рабіць пад сябе і думаюць, што хтосьці абавязаны прыйсці і прыбраць за імі. Незакрытыя кантэйнеры, пакеты са смеццем, кінутыя міма іх, кантэйнеры для збору другасных рэсурсаў (шкло, пластык, макулатура), напоўненыя звычайнымі камунальнымі адходамі, — знаёмая карціна, якую можна ўбачыць каля многіх шматкватэрных дамоў.
Як прымусіць нашых несвядомых суграмадзян стаць больш свядомымі? Індывідуальнымі тлумачальнымі гутаркамі ўсіх не ахопіш, газету яны, відаць, не чытаюць, або, як паказвае практыка, чытаюць і запамінаюць толькі тое, што выгадна ім. Адзін з варыянтаў выйсця бачыцца ва ўстаноўцы сістэм фота- і відэафіксацыі. Ініцыятыву ў гэтым напрамку павінны праяўляць не толькі зацікаўленыя ведамствы, але і самі жыхары, якія хочуць парадку каля свайго жылля. Па запыце “фотоловушка, штраф за выброс мусора” інтэрнэт выдае ўжо не адзін сюжэт аб накладанні штрафу на парушальнікаў. Канечне, для набыцця апаратуры давядзецца раскашэліцца, але пры калектыўным падыходзе да гэтага пытання расходы акажуцца не такімі адчувальнымі. Да таго ж кошт фоталавушкі не вельмі высокі, супастаўляльны з коштам аўтамабільнага відэарэгістратара.
Сяргей АБРАМОВІЧ.
Ну вот,сегодня проехали машины и трактор.
Всё убрано.
Обычный грабеж населения ,и запугивание. Адзін з варыянтаў выйсця бачыцца ва ўстаноўцы сістэм фота- і відэафіксацыі. Ініцыятыву ў гэтым напрамку павінны праяўляць не толькі зацікаўленыя ведамствы, але і самі жыхары, якія хочуць парадку каля свайго жылля. Па запыце “фотоловушка, штраф за выброс мусора” інтэрнэт выдае ўжо не адзін сюжэт аб накладанні штрафу на парушальнікаў. Канечне, для набыцця апаратуры давядзецца раскашэліцца, але пры калектыўным падыходзе да гэтага пытання расходы акажуцца не такімі адчувальнымі. Да таго ж кошт фоталавушкі не вельмі высокі, супастаўляльны з коштам аўтамабільнага відэарэгістратара.
афами.
Сколько будет стоить вывоз этой кучки кирпича хозяину и ЖКХ?
Раньше ветки и листья жгли на огородах,теперь нельзя,что опять заказывать прицеп.
В сезон весенней уборки трактор с прицепом может проехать раз в неделю и собрать этот мусор.
Пишу потому,что даже в нашем чистом,”бычка” на улице не увидишь,такая же картина.
А фотоловушки,это уже перебор.