Коханаўскі ўніверсам імкнецца максімальна адпавядаць інтарэсам насельніцтва
Універсам “Коханаўскі” (крама № 213 райспажыўтаварыства) прываблівае пакупнікоў шырокім асартыментам — ад прадуктаў харчавання да прамысловых тавараў першай неабходнасці. Ёсць тут нават кніжная паліца, на якой прадстаўлена мастацкая, навучальная, даведачная і забаўляльная друкаваная прадукцыя.
Але ў першую чаргу, напэўна, крама ўспрымаецца як гастраном. Сюды ідуць кожны дзень, каб набыць хлеб, накіроўваюцца і ў асаблівых выпадках — купіць прадукты для святочнага стала.
Ва ўмовах канкурэнцыі (а яна ў Коханаве значная, на рынку рознічнага гандлю прадуктамі ёсць іншыя моцныя ігракі) калектыў універсама імкнецца змагацца за пакупніка ўсімі сродкамі: фарміраванне асартыменту з улікам патрэб насельніцтва, прадуманая выкладка тавараў, зручны графік работы, культурнае, ветлівае абслугоўванне. Таму паток пакупнікоў, часам павялічваючыся, часам змяншаючыся, усё ж ніколі не спыняецца. За нейкіх 20 хвілін, пакуль мы гутарылі з загадчыцаю крамы Вольгай Уладзіміраўнай Пажарыцкай, тут зрабілі пакупкі і школьнікі, і маладыя мужчыны з жанчынамі, і пенсіянеры.
І гэтыя назіранні пераканаўча, лепш за любыя словы гавораць: калектыў універсама прыкладае ўсе намаганні для таго, каб гандлёвая кропка максімальна задавальняла інтарэсы насельніцтва.
Уладзімір МІХАЙЛАЎ.
Коханаўскі ўніверсам імкнецца максімальна адпавядаць інтарэсам насельніцтва,