Жыллё на вёсцы: дзе будоўля, там і жыццё
Аграгарадок Абольцы мае сваё адметнае аблічча. Вяскоўцы тут уважлівыя да свайго дома, двара, упрыгожваюць іх разнастайным афармленнем, мноствам кветак. Нейкі час (калі дакладна, то ўсе шэсць год) у Клябані, якая злілася з Абольцамі, заставаліся стаяць незавершанымі два жылыя дамы мясцовага сельгаспрадпрыемства.
Пляцоўкі ажывілі будаўнікі з УПП “Друць”. Разам з дырэктарам ААТ “Абольцы” Сяргеем Уладзіміравічам Мішульскім заходзім у першы з дамоў. Сустрэты намі намеснік будаўнічага прадпрыемства Мікалай Аляксандравіч Сазонаў з задавальненнем адзначае, што ім пашанцавала на заказчыка. Аператыўна і па-дзелавому ўзгадняюць арганізацыйныя пытанні, вырашаюць фінансавыя з іх. Крэдытныя грашовыя сродкі паступаюць своечасова, няма прамаруджвання з набыццём матэрыялаў, праблем з аплатай працы будаўнікоў.
На кожным з домікаў занятыя на даны момант па чатыры работнікі. На адным вядуцца аддзелачныя работы, на другім вось-вось прыступяць да іх. Вагонкай абшываюцца веранда і вонкавыя сцены. У пакоях вя-дзецца ўцяпленне перагародак, засцілаецца падлога. З інжынерных сетак тут будуць водаправод, мясцовая каналізацыя, кацёл на цвёрдым паліве. Катэджы маюць, акрамя асноўнага, выхад на гаспадарчы двор, дзе будзе і гаспадарчая пабудова для ўтрымання дамашняй жывёлы. Агульная плошча дома — 100 метраў квадратных, жылая — 76 метраў квадратных.
Работы на іх пачаліся 11 мая, а ў канцы ліпеня, як мяркуецца, яны будуць здадзеныя пад ключ. Навасёламі іх стануць спецыя-лісты сельгаспрадпрыемства, у якіх тут вострая патрэба.
На чарзе прывядзенне ў парадак яшчэ аднаго дома і будаўніцтва новага.
— У нас поўнае разуменне з гэтым будаўнічым прадпрыемствам, — зазначыў С. У. Мішульскі, — таму будзем і далей пры наяўнасці сродкаў шукаць падыходы ў вырашэнні пытанняў будаўніцтва жылля і вытворчых аб’ектаў.
Віктар БІРУКОЎ.
НА ЗДЫМКУ: М. А. Сазонаў і С. У. Мішульскі каля дома на цэнтральнай вуліцы аграгарадка.
На здымку Штэпсель і Тарапунька
Фото – это какая-то злая шутка фотографа?