Рамантуецца ўчастак дарогі
Два кіламетры гравійна-пясчанай дарогі на ўчастку Алёнавічы — Гаршчэўшчына рыхтуе да здачы ДРБУ-147. Апрацоўваецца абочына, прафілюецца праезная частка, выконваецца яе падсыпка.
Рамонт яе наспеў даўно, бо пасля працяглых дажджоў, з наступленнем восеньскай ці веснавой пары прайсці па ёй транспарту было няпроста. Чаканне лепшага часу нарэшце збылося. Сёння прыемна бачыць праблемны ўчастак выпраўленым. І хоць, канечне, жадалася больш, хочацца бацыць тут асфальтавае пакрыццё, здавальненне прыносіць нават ужо зробленае.
На бульдозеры Т-130 Ігар Альгердавіч Бабіцкі ачышчае кустоўе, вядзе зрэз грунту, рыхтуе аб’ем работ для грэйдара. Ён спецыяліст сваёй справы, робіць на бульдозеры 17 год, да гэтага працаваў у райсельгасхіміі.