Мэта вадзіцеля УП “Надзёжына” Аляксандра Куліка — перавезці дзве тысячы тон збожжа
УП “Надзёжына” адным з першых у раёне пачало жніво. За тыдзень работы вадзіцель Аляксандр Кулік на аўтамашыне МАЗ-650101 перавёз ад камбайнаў 1105 тон зерня. Гэта на пачатак жніўня быў лепшы вынік па вобласці.
Са здзіўленнем і задавальненнем Аляксандр убачыў сваё прозвішча ў “Сельскай газеце” сярод перадавікоў жніва рэспублікі. Перадавога вадзіцеля павіншавалі старшыні райкама прафсаюза работнікаў АПК Таццяна Пільшчыкава і прафсаюзнага камітэта прадпрыемства Галіна Быкава, пажадалі поспехаў у далейшай працы.
Аляксандр Кулік намераны дасягнуць дзвюхтысячнага рубяжа. Умовы для гэтага ёсць. За трыццаць гадоў працы ў прадпрыемстве ён заўсёды быў у ліку першых.
Надзёжынцы па стане на 5 жніўня ўбралі 43 працэнты збожжавых культур. Безумоўна, вынікі былі б лепшымі, калі б працу не прыпыняла надвор’е. Дажджы ўносяць сур’ёзныя карэктывы ў ход уборачнай.
Марыя ХМЯЛЮК.