Тут пакупнікоў чакаюць і ім рады: у Азерцах расчыніла свае дзверы крама “Залаты колас” Талачынскага элеватара

10 августа 2016 8:26

Жыхары аграгарадка Азерцы з нецярпеннем чакалі адкрыцця элеватарскай крамы. У іх сэрцах жыла надзея, што з гэтай падзеяй адбудуцца змены ў добры бок — пашырыцца асартымент тавараў, асабліва для тых, хто трымае гаспадарку, і цэны на некаторыя групы тавараў будуць больш нізкія.

Напярэдадні прафесійнага свята працаўнікоў гандлю даная падзея адбылася. Новая крама ў святочнай абстаноўцы адчыніла свае дзверы для пакупнікоў. У адкрыцці магазіна прымалі ўдзел дырэктар элеватара Аляксандр Анатольевіч Пашурын і загадчык гандлёвага аддзела прадпрыемства Марына Уладзіміраўна Жорава. Былі выказаны самыя шчырыя і цёплыя пажаданні прадаўцам і пакупнікам. Першыя пяць пакупнікоў атрымалі бясплатныя падарункі, а дзецям уручаліся салодкія гасцінцы.

За прылаўкам пакупнікоў сустрэлі загадчыца магазіна Наталля Віктараўна Воўкава і прадавец Кацярына Уладзіміраўна Раманоўская (на здымку). У краме пасля рамонту чысціня і парадак. Пакупнікі з цікавасцю знаёміліся з асартыментам і выбіралі патрэбны тавар.

У аграгарадку ўжо ёсць два магазіны, і вось з’явіўся яшчэ адзін сур’ёзны для іх канкурэнт. Праца прадаўца адказная і шматгранная, яна патрабуе не толькі чэснасці і сумленнасці, але і адпаведнай культуры. Яе можна параўнаць з працай артыста, які выходзіць на сцэну, пакідаючы за кулісамі ўсё сваё асабістае і аддаючы ўсяго сябе працы. Сапраўдны майстар прылаўка павінен быць псіхолагам, умець лячыць душы людзей, знайсці такі падыход да пакупніка, каб ён адышоў ад прылаўка з усмешкаю на вуснах. Акрамя гэтага, прадавец рэкламуе тавар, з’яўляецца звязучым звяном паміж прадпрыемствам і спажыўцом.

Магазін элеватара будзе рабіць без выхадных з 8 да 19 гадзін, што вельмі зручна жыхарам аграгарадка. Ён знаходзіцца на бойкім месцы. Побач фап, клуб, пошта, школа.

Хочацца пажадаць работнікам новай крамы, каб яны знайшлі падыход да сваіх пакупнікоў, сваёй працай і адносінамі не абманулі іх спадзяванняў.

Лілія АЎЦЮШКОВА,
аграгарадок Азерцы.

Все новости

Другие статьи рубрики

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Поделиться в соц. сетях

Опубликовать в Google Buzz
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники


Один комментарий на “ Тут пакупнікоў чакаюць і ім рады: у Азерцах расчыніла свае дзверы крама “Залаты колас” Талачынскага элеватара ”

  1. хороший человек , 10 августа 2016 , 12:16

    А ЕЩЁ БЫ ДЕТСКУЮ ПЛОЩАДКУ В АГРОГОРОДОК…СТОЛЬКО РЕБЯТИШЕК, А ИГРАТЬ ИМ НЕГДЕ.ОБИДНО!

    VA:F [1.9.22_1171]
    Rating: 0.0/5 (0 votes cast)
    VA:F [1.9.22_1171]
    Rating: +1 (from 1 vote)

Написать комментарий

This blog is kept spam free by WP-SpamFree.

ПОИСК ПО САЙТУ

Выборы 2020

Год малой родины

75-летие Победы

Прямые линии

Работа в Толочине

Ритуальные услуги

Поможем храму!

Наш календарь

Август 2016
Пн Вт Ср Чт Пт Сб Вс
« Июль   Сен »
1234567
891011121314
15161718192021
22232425262728
293031  

Архив новостей

Конкурс туристических фильмов

Мы в Инстаграме