Магазін “Залаты колас” у Талачыне зноў запрашае пакупнікоў
Пасля рамонту і пераабсталявання зноў адчыніў свае дзверы магазін “Залаты колас” №5 па вуліцы Энгельса, 17 у Талачыне. Раней усе тавары ў ім адпускалі за прылаўкам прадаўцы, цяпер ён пераведзены на самаабслугоўванне.
З гэтай мэтай для размяшчэння прадуктаў пастаўлены новыя вітрыны, стэлажы, халадзільныя ўстаноўкі. Малочныя прадукты знаходзяцца на прысценных горках. У спецыяльнай вітрыне ў шырокім асартыменце прадстаўлены калбасныя і рыбныя прадукты, у маразільных скрынях — замарожаныя паўфабрыкаты.
На асобнай вітрыне знаходзяцца прадукты па акцыі са зніжанай гандлёвай надбаўкай — мука, сланечнікавае масла, гавяжыя і свіныя тушонкі Аршанскага мясакамбіната.
Алена СЕРАДА.
Километр за хлебом у магазин это далеко……а за пузырем рукой подать.