Святочны гандаль: на Новы год у “Кулінарыі” ў Коханаве пакупнікоў чакаюць прыемныя сюрпрызы
Гандлёвыя кропкі раёна падрыхтаваныя сустрэць пакупнікоў яркімі навагоднімі агеньчыкамі, рознакаляровымі гірляндамі, іншымі ўпрыгажэннямі. У памяшканні магазіна “Кулінарыя” райпо ў гарадскім пасёлку Коханава створана атмасфера, якая дае адчуць набліжэнне любімага для ўсіх нас навагодняга свята. Міжволі позірк прыпыняецца на прыбранай ёлачцы, радуюць вока каляровыя стужкі.
Загадчыца магазіна Святлана Анатольеўна Чарняковіч тлумачыць, што робіцца гэтае для таго, каб стварыць узнёслы, святочны настрой у сваіх пакупнікоў.
У шырокім асартыменце тут прадстаўлена выпечка — некалькі сартоў пячэння, пончыкі, булачкі, пірожныя, тарты. У асобным халадзільным лары заўсёды свежыя паўфабрыкаты — фарш, ахалоджанае курынае мяса і філе, галубцы, катлеты.
Асаблівым попытам карыстаюцца ў пакупнікоў кулінарныя вырабы па акцыях. Напрыклад, на торт “Грибочки” цана зніжана да 5 рублёў 39 капеек. Хутка разабралі рулет “Тыквенный”, які раней каштаваў 6 рублёў 25 капеек, цяпер — 1 рубель 45 капеек. Галубцы каштавалі 4 рублі 80 капеек, па акцыі — 3 рублі 90 капеек.
Жыхарка г. п. Коханава Эла Уладзіміраўна Паўлючэнка — пастаянны наведвальнік “Кулінарыі”. Яе прываблівае тут ветлівае абслугоўванне і прадукцыя, якая заўжды свежая і якасная.
Па словах загадчыцы, падчас навагодніх дзён коханаўцаў чакаюць яшчэ больш прыемныя сюрпрызы, каб свята пакінула ў іх душы добры след, засталося для тых, хто стане іх пакупніком, запамінальным.
Алена СЕРАДА.
Красота,глаз не оторвать, особенно от оцинкованной вытяжки на самом видном месте.