Малады механізатар “Каралькоў” Віктар Яцкевіч зарэкамендаваў сябе як адказны і ўмелы працаўнік
Нягледзячы на малады ўзрост і нядоўгі тэрмін работы ў сельгаспрадпрыемстве “Каралькі” (усяго год) Віктар Яцкевіч паспеў дабіцца высокіх паказчыкаў у нарыхтоўцы кармоў і заняць пачэснае месца на раённай Дошцы гонару, устаноўленай у газеце “Наша Талачыншчына”. З першых дзён малады механізатар зарэкамендаваў сябе як адказны і ўмелы працаўнік.
Год таму ён уладкаваўся памочнікам камбайнера, так тут і застаўся. Па душы прыйшлася Віктару праца на палях сельгаспрадпрыемства, наладзіліся добрыя ўзаемаадносіны ў калектыве, ды і заробкі сталі большымі.
Сярод маладых механізатараў у раёне ён дабіўся самых высокіх паказчыкаў. На кормаўборачным камбайне КВК-800 нарыхтаваў больш за 2800 тон кармоў.
З працоўным поспехам Віктара павіншавалі старшыня раённага аб’яднання прафсаюзаў Мікалай Мікалаевіч Талкачоў, старшыня райкама прафсаюза работнікаў аграпрамысловага комплексу Таццяна Мікалаеўна Пільшчыкава і ўручылі Ганаровыя граматы і каштоўныя падарункі ад ўпраўлення райсельгасхарча Талачынскага райвыканкама, райкама прафсаюза работнікаў аграпрамысловага комплексу, аддзела ідэалагічнай работы, культуры і па справах моладзі.
Алена СЕРАДА.
НА ЗДЫМКУ: злева направа М. М. Талкачоў, Г. А. Котава, В. Яцкевіч, Т. М. Пільшчыкава.