Прадаўжальнікі хлебаробскай справы: выпускнікам ліцэя ў Коханаве ўручылі дыпломы аб атрыманні прафесійна-тэхнічнай адукацыі
Традыцыйна ў канцы чэрвеня ў Коханаўскім дзяржаўным прафесійным ліцэі сельскагаспадарчай вытворчасці праходзіць свята ўручэння дыпломаў аб атрыманні прафесійна-тэхнічнай адукацыі, дакумента, які стане першым крокам на працоўным шляху выпускнікоў, дапаможа дасягнуць новых вяршынь. У прыгожа аформленай актавай зале сабраліся выпускнікі і іх бацькі, выкладчыкі, госці.
Адкрыў святочнае мерапрыемства дырэктар ліцэя Валерый Георгіевіч Рэцкі, павіншаваў выпускнікоў з паспяховым заканчэннем вучобы. Выкладчыкі і майстры зрабілі шмат, каб даць навучэнцам добрыя веды і ўменні, якія спатрэбяцца ім у працы. Кіраўнік ліцэя прызваў юнакоў і дзяўчат не спыняцца на дасягнутым. Нехта з выпускнікоў пойдзе працаваць у сельгаспрадпрыемствы, некаторыя будуць спрабаваць свае сілы пры паступленні ў сярэдне-спецыяльныя і вышэйшыя навучальныя ўстановы.
З атрыманнем дыпломаў выпускнікоў павіншавалі таксама начальнік упраўлення сельскай гаспадаркі і харчавання райвыканкама Сяргей Віктаравіч Калеснікаў, старшыня раённага аб’яднання прафсаюзаў Мікалай Мікалаевіч Талкачоў, старшыня Коханаўскага сельвыканкама Мікалай Яўгенавіч Барышаў, пажадалі ўдачы, далейшых поспехаў у жыцці.
Намеснік дырэктара па вучэбна-выхаваўчай рабоце Ірына Віктараўна Бусько таксама адрасавала выпускнікам сардэчныя словы віншавання з заканчэннем вучобы. Яна адзначыла, што многія навучэнцы ўнеслі значны ўклад у павышэнне статусу ліцэя сярод іншых прафесійна-тэхнічных устаноў вобласці і рэспублікі.
Валерый Георгіевіч уручыў граматы за выдатныя поспехі ў вучобе і падзячныя пісьмы за актыўны ўдзел у грамадскім жыцці ліцэя. Падзячныя пісьмы за добрае выхаванне дзяцей былі ўручаны таксама некаторым бацькам. Падвёўшы вынікі спаборніцтва на лепшую групу, Ірына Віктараўна адзначыла, што па паказчыках вучобы і актыўнасці лепшай прызнаная група №135. Куратар Павел Восіпавіч Матускоў і майстар вытворчага навучання Аляксандр Уладзіміравіч Конышаў звярнуліся да выпускнікоў і іх бацькоў з добрымі пажаданнямі далейшых поспехаў.
Свой наказ выпускнікам прагучаў ад куратара групы №121 Алены Міхайлаўны Шыбекі і майстроў вытворчага навучання Леаніда Аксенцьевіча Гарбачова і Арцёма Алегавіча Малашкевіча. Поспехаў у новым дарослым жыцці пажадалі куратар групы №136 Раіса Віктараўна Хадорык і майстар вытворчага навучання Міхаіл Сяргеевіч Лепяшынскі.
Пад апладысменты прысутных дыпломы выпускнікам уручыў дырэктар ліцэя. Намеснік дырэктара на вучэбна-вытворчай рабоце Святлана Віктараўна Малашкевіч пажадала юнакам і дзяўчатам добрымі справамі праслаўляць ліцэй, паспяхова працаваць, памятаць жыццёвыя ўрокі выкладчыкаў. Выпускнікі падзякавалі адміністрацыі ліцэя, сваім выкладчыкам за атрыманыя веды і практычныя навыкі.
Упрыгожылі свята песні ў выкананні выпускнікоў ліцэя, педагога-аргнізатара Святланы Генадзьеўны Петрашкевіч, намесніка дырэктара па выхаваўчай рабоце Ірыны Віктараўны Бусько.
Алена СЕРАДА.