Славенскаму мастаку Анатолю Пасюціну натхненне дорыць родная зямля
У творчай скарбніцы вядомага на Талачыншчыне мастака Анатоля Пасюціна — непаўторныя сваёй прыгажосцю пейзажы роднага краю, нацюрморты, партрэты, работы ў дэкаратыўна-прыкладным мастацтве. У яго майстэрні гадзінамі можна любавацца і дзівіцца таленту гэтага апантанага любоўю да сваёй радзімы чалавека.
Але не толькі славенскія прасторы хвалююць Анатолія. У яго душы даўно выспявала задумка стварыць серыю палотнаў пра старажытны Друцк. Мастак перагарнуў не адну старонку кніг па гістарычнай літаратуры. Уваччу раз-пораз узнікалі карціны побыту далёкіх продкаў, іх адзенне, хаты, цэрквы… Усё гэта знайшло ўвасабленне ў двух мастацкіх трыпціхах, над якімі зараз працуе мастак.
Чалавек заўсёды імкнецца да прыгажосці. У вялікім значэнні гэтага слова яна ўсюды прысутнічае ў жыцці Анатолія.
Алена СЕРАДА.
Славенскаму мастаку Анатолю Пасюціну натхненне дорыць родная зямля,