У Талачыне адзначаны лепшыя сярод юных чытальнікаў
Штогод падчас летніх канікулаў гарадская дзіцячая бібліятэка працуе па праграме летняга чытання “Кніжная паляна”. Напярэдадні Дня бібліятэк тут адбылася сустрэча з вучнямі 3 “А” класа сярэдняй школы №1 (класны кіраўнік Алена Анатольеўна Касач).
У чытальнай зале каля казачнай хаткі “выраслі” кветкі з паперы, на пялёстках якіх былі напісаны назвы прачытаных дзецьмі кніг.
Загадчыца бібліятэкі Алена Валер’еўна Манькоўская расказала аб рабоце бібліятэкі, назвала імёны дзяцей — самых актыўных чытачоў у перыяд летніх канікулаў. Першае месца заняла Настасся Лісоўская, якая прачытала 13 кніг. На другім — Пеця Бучко, трэцяе месца заняла Крысціна Віхрова. Актыўна наведвалі бібліятэку таксама Саша Раманкевіч, Віка Карпіновіч, Саша Кавалёў, Саша Валчок, Саша Мартынаў, Улад Шастакоў, Настасся Кураедава, Аляксей Катовіч, Саша Кобышаў. Кожны з юных чытальнікаў атрымаў падарункі і прызы.
Алена СЕРАДА.
