Цудоўны куток прыроды створаны ў Славенскай сярэдняй школе
Любяць Славенскую сярэднюю школу і вучні, і настаўнікі. Яны клапоцяцца аб прывабным выглядзе будынка і прышкольнай тэрыторыі. Можа таму з першых крокаў па школьным двары наведвальніка ахоплівае такі настрой, што ажно сэрца замірае ад прыгажосці.
Высокія дрэвы, мноства кветак, прыгожыя туі, сярод галінак якіх чакаюць свайго часу птушыныя кармушкі, зелянюткая трава… На ўскрайку двара фігуры аленяў. На іх часценька фатаграфуюць сваіх дзетак не толькі жыхары Славеняў, але і праязджаючыя на аўтамабілях па шашы людзі. І гэта добра, калі нешта прыгожае прываблівае чалавека.
Унутры школы таксама чысціня і парадак. Перад пачаткам навучальнага года тут быў праведзены рамонт. Шырокія калідоры, утульныя класы, паўсюль хатнія кветкі і расліны, якія прыдаюць утульнасць памяшканню. У такой прыгажосці добра вучыцца і працаваць.
Марыя ХМЯЛЮК.