Захапляльная гутарка пра вечнае і надзённае
На мінулым тыдні ў аддзяленні сацыяльнай адаптацыі, рэабілітацыі і дзённага знаходжання інвалідаў адбылася сустрэча персаналу і наведвальнікаў гэтай установы з благачынным цэркваў Талачынскага раёна протаіерэем Аляксандрам Лазукам. Мерапрыемства арганізавана ў рамках выканання рашэння аблвыканкама №598 ад 28.09.2017 “Аб супрацоўніцтве з рэлігійнымі арганізацыямі”.
Сустрэча доўжылася больш за дзве гадзіны і завяршылася, напэўна, толькі таму, што айцу Аляксандру неабходна было адпраўляцца па іншых сваіх, запланаваных раней, справах. Прысутныя з цікаўнасцю слухалі яго разважанні наконт разнастайных маральных праблем сучаснага грамадства праз прызму біблейскай гісторыі, даведваліся са слоў цікавага субяседніка пра паходжанне і глыбінны сэнс некаторых хрысціянскіх абрадаў, задавалі пытанні, актуальныя для іх асабіста і для грамадства ў цэлым. Узнікненне Сусвету і жыцця на Зямлі, ухвальныя і недапушчальныя, ганебныя для чалавека ўчынкі, любоў, закаханасць і каханне, багацце і жабрацтва, пытанне жыцця пасля смерці — тэмы, на якія цікава паразважаць кожнаму, або паслухаць, што гаворыць на гэты конт вучэнне, якому ўжо некалькі тысячагоддзяў.
Супрацоўнікі аддзялення абмеркавалі таксама магчымыя напрамкі далейшага супрацоўніцтва з Царквой, паразважалі наконт тэм новых сустрэч са святаром.
Уладзімір МІХАЙЛАЎ.
Не согрешив,не покаишся . Чем больше греха , тем больше продажа свечей.
Православная церковь – это организация и она не может быть ни греховной, ни безгрешной, так же, как , скажем институт, магазин или гимназия. Греховными могут быть только люди в этих организациях, при чём все и везде, только в разной степени, которая тоже постоянно меняется.
Что же касается Православной Церкви, так Сам Христос говорил, что в Церкви собраны не праведники, а кающиеся грешники!
Облисполком своим решением за номером 598 поощряет продажу опиума для народа?