У Коханаве працягваецца будаўніцтва цэха па вырошчванні шампіньёнаў
Па стане на пачатак мінулага тыдня на будаўніцтве цэха па вырошчванні шампіньёнаў ТАА “ФунгиБелПлюс” у Коханаве з боку генпадрадчыка — ТАА “ГЕС-Строй” (Мінск) — працавала каля дваццаці чалавек.
Вяліся работы па розных напрамках: стварэнне фундамента для катлоў у кацельні, пераабсталяванне былой піларамы пад месца захоўвання зямлі і інш. Жыллё для будаўнікоў знята ў Коханаве. Цясляр-бетоншчык Аляксандр Расой і брыгадзір Аляксандр Агаркаў (на здымку: займаюцца рэзкаю арматуры для фундамента), з якімі мы сустрэліся на аб’екце, расказалі, што працуюць людзі інтэнсіўна, у тым ліку і па выхадных.
Сяргей АБРАМОВІЧ.