Добрая справа, не даведзеная да канца: жыхары аграгарадка Славені пакутуюць ад праблемы з кладкаю

17 января 2018 13:46

У пачатку каляндарнай зімы, калі прыціснулі першыя і нядоўгія маразы, пажылая жыхарка аграгарадка Славені, ідучы ў краму, паслізнулася на бетоннай кладцы праз рачулку Пліса (на здымку) і звалілася ў ледзяную ваду. На шчасце, побач аказаліся людзі, якія выратавалі яе. А маглі б і не аказацца.

Ад праблемы з кладкаю славенцы пакутуюць даўно. Напрыклад, каб дайсці да школы, не пераходзячы рэчку ў гэтым месцы, дзецям давялося б рухацца па шашы Р19, тым самым рызыкуючы трапіць у дарожна-транспартнае здарэнне. Калі ж ісці па кладцы, то зімою можна паслізнуцца, паколькі яна вузкая і без парэнчаў. Цяжкасці ўзнікаюць і ў пажылых людзей: выбіраючы маршрут праз кладку, яны могуць, як вышэйзгаданая грамадзянка, апынуцца ў вадзе, а павялічваць працягласць шляху, ідучы па шашы, ім і цяжка, і таксама некамфортна, аўтамабільная дарога — зона павышанай небяспекі.

Старшыня Слаўнаўскага сельвыканкама Снапкова В. І., калі мы гутарылі з ёй у хуткім часе пасля здарэння, патлумачыла:

— Кладка нідзе не лічыцца на балансе, яе ў свой час зманціравалі самі людзі, па ўласным жаданні, і па дакументах яна нідзе не значыцца, з-за чаго мы не маем магчымасці правесці тут нейкія работы, бо па законе не можам пусціць сродкі “ў нікуды”. Паспрабую пагутарыць з прадпрымальнікамі, можа быць, хтосьці пойдзе нам насустрач і пагодзіцца пасадзейнічаць у вырашэнні праблемы.

Праз месяц пасля той гутаркі зноў пачаліся маразы і мясцовыя жыхары ў чарговы раз забілі трывогу: кладка якою была, такою і застаецца, хутка яна абледзянее, і зноў пачнецца кашмар для ўсіх, ад старых да малых.

Калі глядзіш на сітуацыю збоку, з пазіцыі незацікаўленай асобы, то на памяць прыходзіць прымаўка “ў сямі нянек дзіця ўтапілася”. І самім жыхарам Славеняў, і жыллёва-камунальнай службе, і мясцовай уладзе па сілах зняць гэтую праблему, пазбавіць людзей ад нязручнасцей і небяспекі пры перамяшчэнні па населеным пункце. Пакласці па баках кладкі пару бярвёнаў і дошак, каб пашырыць яе, укапаць чатыры слупкі і закінуць на іх дзве жардзіны, зрабіўшы такім чынам парэнчы, — справа няхітрая. Але чамусьці ніхто за яе не бярэцца, усе нібыта прывыклі толькі ківаць адзін на другога, скардзіцца на жыццё ды чакаць, што прыйдзе нейкі добры дзядзька і ўсё зробіць (або — злы, які знойдзе вінаватага і прымусіць яго зрабіць усё, што трэба).

Расказваюць, што даўно кладка была драўлянаю, а пазней мясцовы жыхар здабыў дзесьці пліты, прывёз іх на ўласным трактары. Значыць, мог чалавек зрабіць добрую, карысную для ўсіх справу? Мог, і зрабіў (толькі па нейкіх прычынах не давёў да канца). Чаму б цяпер не ўзяць з яго прыклад? Колькі павінна адбыцца няшчасных здарэнняў, пакуль усе прама і ўскосна зацікаўленыя суб’екты пойдуць на канкрэтны і канструктыўны дыялог?

Сяргей АБРАМОВІЧ.

Все новости

Другие статьи рубрики

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Поделиться в соц. сетях

Опубликовать в Google Buzz
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники

Метки:



Один комментарий на “ Добрая справа, не даведзеная да канца: жыхары аграгарадка Славені пакутуюць ад праблемы з кладкаю ”

  1. Швондер , 17 января 2018 , 19:23

    А чего тут удивляться ? Людей приучали так жить десятилетиями , ни куда не вникать , ни за что не отвечать , чарка ды шкварка , абы не было вайны , мая хата з краю. Все решает власть , вот пусть она и отдувается .Вместо гражданского общества мы получили народец , который сам по себе . А власть о нем вспоминает только перед очередными выборами.

    VA:F [1.9.22_1171]
    Rating: 0.0/5 (0 votes cast)
    VA:F [1.9.22_1171]
    Rating: 0 (from 0 votes)

Написать комментарий

Вы должны войти в систему, чтобы оставить комментарий.

ПОИСК ПО САЙТУ

Выборы-2024

Год качества

К 80-летию освобождения Беларуси

«Лица Победы»

Наш календарь

Январь 2018
Пн Вт Ср Чт Пт Сб Вс
« Дек   Фев »
1234567
891011121314
15161718192021
22232425262728
293031  

Архив новостей

Ритуальные услуги

Есть проблемы? Вам сюда!

Мы в Facebook

Наши видео

Мы в Telegram

Мы на Яндекс-Дзене