У Коханаве праходзіць “беларусізацыя” кітайскіх экскаватараў
ААТ “Амкадор-КЭЗ” выпрабоўвае новую машыну — экскаватар “Амкадор 3225″ на гусенічным ходзе. Аналагічныя ўжо выпускаліся (“Амкадор-Sinomach”), але былі яны цалкам кітайскія, іх прывозілі ў выглядзе машынакамплектаў з Кітая і збіралі ў Коханаве.
— Машына прайшла першы этап лакалізацыі ў рамках дасягнутых восенню дамоўленасцей з нашымі кітайскімі партнёрамі, — паведаміў 16 сакавіка дырэктар прадпрыемства Яроцкі А. У. — Цяпер некаторыя элементы для яе мы вырабляем самі: каўшы, супрацьвагі, поручні. Пры гэтым неабходна правесці сертыфікацыйныя выпрабаванні, каб пераканацца, што пасля лакалізацыі машыны не сталі горшымі, чым былі раней.
— Я займаюся замерам шуму, вібрацыі, магутнасці гуку, даследаваннем кампаноўкі працоўнага месца, — расказвае пра сваё поле дзейнасці інжынер-выпрабавальнік Андрэй Рашкевіч, які прыехаў на “Амкадор-КЭЗ” у камандзіроўку з Мінска.
— Вадзіцель-выпрабавальнік капае яму, а мы замяраем яе, — знаёміць з падрабязнасцямі парадку правядзення выпрабаванняў яго калега Аляксандр Пракопаў.
Экскаватар гэтай мадэлі можа камплектавацца каўшамі двух відаў — аб’ёмам 1,0 і 1,2 куб. м. Нагадаем, што лакалізацыя машыны толькі пачалася, выкарыстанне камплектуючых уласнай вытворчасці будзе пашырацца.
Сяргей АБРАМОВІЧ.
НА ЗДЫМКУ: вадзіцель-выпрабавальнік Анатоль Рылькоў (у кабіне), Аляксандр Пракопаў, Андрэй Рашкевіч, інжынер-канструктар Дзяніс Антоненка.
Уж лучше бы не хвастались ковшами ,поручнями и высокотехнологичными противовесами,лучше засекретить такие “Полонезы”. А то вдруг из Евросоюза подсмотрят.
Беларусізацыя- гэта калі ўсе налепкі і надпісы ў кабіне і звонку машыны будуць па беларуску. А тое што там адбываецца- нават адвертачнай зборкай не назавеш