У Талачыне каталікі сустрэлі свята святаў
З натхненнем рыхтаваліся да найвялікшага хрысціянскага свята Вялікадня каталіцкія вернікі. Праз смерць Езуса Хрыстуса, які вызваліў чалавецтва ад грахоў, людзі нарадзіліся да новага жыцця і атрымалі надзею вечнага.
Разам з Хрыстусам вернікі крочылі па крыжовым шляху, цярпелі Яго пакуты на крыжы, узносілі да Яго малітвы, каб усе людзі прыйшлі да ўсведамлення Хрыстовай ахвяры дзеля кожнага з нас. Войны, тэрарыстычныя акты, жахлівыя падзеі, якія здараюцца па віне людзей і ў выніку якіх гінуць людзі і, што самае недаравальнае і ганебнае, дзеці, — ці не ёсць гэта вынік нашага занядбання Бога і ягоных запаведзяў?! Як лёгка гаварыць пра любоў да ўсіх людзей і як бывае цяжка дапамагчы аднаму знямогламу і пакутуючаму. Дык няхай жа Уваскрэсенне Хрыста адчыніць нашы сэрцы і мы занава народзімся да дабра, міласэрнасці, станем прыкладам для іншых у штодзённым жыцці!
Марыя ХМЯЛЮК.
НА ЗДЫМКУ: асвячэнне велікодных страў у касцёле Св. Антонія ў Талачыне.
