Наперадзе — светлы шлях, поўны надзей і перспектыў: у школах Талачынскага раёна празвінеў апошні званок
Як, напэўна, і ва ўсіх навучальных установах, з сумам і радасцю, з усмешкамі і слязамі прайшла апошняя лінейка ў раённай гімназіі (з наступнага навучальнага года будзе рэарганізавана ў СШ №3). Развітанне з выпускнікамі — гэта заўсёды як развітанне з родным чалавекам: дзецям шкада пакідаць сцены любімай навучальнай установы, а педагогам шкада адпускаць іх.
Не стрымалі эмоцый і некаторыя з бацькоў. На працягу адзінаццаці гадоў яны перажывалі ўсе радасці і засмучэнні сваіх дзяцей і працавалі разам з педагогамі на дасягненне агульнай мэты. Гэтая мэта — выхаванне сваіх дзяцей дастойнымі грамадзянамі краіны, фарміраванне з іх усебакова развітых асоб, падрыхтоўка да самастойнага жыцця.
Віншуючы прысутных з заканчэннем чарговага навучальнага года, дырэктар установы Завадскі У. М. расказаў пра насычанае вучэбнае і пазакласнае жыццё гімназіі, нагадаў пра шматлікія творчыя дасягненні яе навучэнцаў і педагогаў (перамогі і прызавыя месцы ў міжнародным вакальным конкурсе “Музыкальный мир”, міжнародным конкурсе маладых талентаў “Рождественский звон” і інш.), пра ўдзел дзяцей ва ўсемагчымых акцыях, спартакіядах, святах.
Вучні розных класаў ледзь паспявалі падыходзіць да трыбуны, каб атрымаць Ганаровую грамату за паспяховую вучобу і добрыя паводзіны, так шмат было ўзнагароджаных. Атрымалі лісты-падзякі і многія бацькі, якія актыўна ўдзельнічалі разам са сваімі дзецьмі ў жыцці гімназіі.
З віншаваннямі і добрымі пажаданнямі звярнулася да ўсіх удзельнікаў урачыстасці намеснік старшыні райвыканкама, дэпутат абласнога Савета дэпутатаў Галубкова І. С. У прыватнасці, Іна Сцяпанаўна падбадзёрыла выпускнікоў у гэты адказны момант, калі наперадзе іх чакаюць экзамены і выбар жыццёвага шляху, заахвоціла маладых людзей да творчай і стараннай працы, да поспехаў і здзяйсненняў, пажадала ўпэўненасці ў сваіх сілах і дасягнення пастаўленых мэт.
Не абышлося і без традыцыйных для такога выпадку рытуалаў: адзінаццацікласнікі выканалі развітальны танец, пара вучняў — першакласніца і выпускнік — дала апошні званок, а ўсе выпускнікі выпусцілі ў вышыню белыя і жоўтыя шары.
Узнімаючыся ўсё вышэй, шары паступова зніклі з віду на фоне яснага неба і асляпляльна яркага сонца. І гэта выглядала сімвалічна, як пачатак новага, светлага шляху, поўнага надзей і перспектыў.
Уладзімір МІХАЙЛАЎ.
раённай гімназіі (з наступнага навучальнага года будзе рэарганізавана ў СШ №3).А чем обусловленна реорганизация? Толочинщине уже не нужны образованные дети?Ведь программа гимназии все ж отличалась от обычной школы.
Образованные люди не нужны монаршеской семье вообще , им необходимы только тупо исполнители , которые ничего не могут возразить начальнику и брать только под козырек . А деньги даст старший брат , за детей и внуков просто обидно.