У бібліятэцы ў Талачыне на сімвалічным дрэве змясцілі партрэты знакамітых землякоў
Талачынская зямля шчодрая на таленавітых людзей. Нямала нашых землякоў пакінулі свой след у розных галінах развіцця народнай гаспадаркі, культуры і навукі. Даведацца пра іх жыццёвы і творчы шлях, аб іх марах і здзяйсненнях можна ў бібліятэках раёна.
Работнікі раённай бібліятэкі ў арыгінальнай форме — на сімвалічным дрэве, якое сокамі роднай зямлі сілкуе духоўнасць і творчасць, змясцілі партрэты мастакоў, паэтаў, драматургаў, якія нарадзіліся на Талачыншчыне. Гэта мастакі Лявон Баразна, Васіль Галубовіч, Міхаіл Савіцкі Валерый Славук, паэты, драматургі і пісьменнікі Іван Батрак, Вера Вярба, Міхась Зарэцкі, Алесь Петрашкевіч, Алесь Рылько, літаратуразнаўца Нічыпар Пашкевіч.
Любоў да сваёй бацькаўшчыны адлюстравана ў іх творах. Імі ганарацца не толькі землякі, але і ўся наша краіна.
Марыя ХМЯЛЮК.
