Новы аб’ект у Талачыне: «Стандарт» з нестандартным элементам
29-я па ліку ў Беларусі крама «Хіт!» фармату «Стандарт» адчыніла дзверы ў Талачыне, побач з гандлёвым цэнтрам «Павуціна», у апошні дзень кастрычніка. Пра адметнасці новага гандлёвага аб’екта расказаў намеснік дырэктара віцебскага філіяла ТАА «Еўрагандаль» Аляксей Смірноў:
— Гандлёвая плошча крамы — 400 квадратных метраў. На паліцах выкладзена дзве з паловаю тысячы таварных пазіцый. Цэны ў краме такога фармату — самыя нізкія ў сетцы «Еўрагандаль» (у тым ліку ніжэйшыя, чым у «Хітах Экспрэс», размешчаных на «Друцкім падвор’і» і каля першай школы). Прадстаўлены шырокі асартымент харчовых тавараў, сярод якіх і разнастайныя паўфабрыкаты ўласнай вытворчасці (будуць пастаўляцца кожны дзень з Віцебска). Тавары каўбаснай, малочнай і ёгуртна-дэсертнай груп выкладзены ў асобнай зоне за празрыстай сіліконавай заслонай. Фактычна гэта вялікая хала-дзільная камера, у якую ўваходзяць пакупнікі. Тэмпература там падтрымліваецца на ўзроўні 4 (+/- 2) градусы Цэльсія. Падобная выкладка тавараў пакуль што мала дзе ў Беларусі сустракаецца і таму ўспрымаецца як арыгінальнае, інавацыйнае рашэнне.
Сяргей АБРАМОВІЧ.
Новы аб'ект у Талачыне: «Стандарт» з нестандартным элементам,