Талачынскі кансервавы завод пачаў уборку бульбы
Учора на бульбяныя палі Талачынскага кансервавага завода выйшлі ўборачныя камбайны і аўтамабілі для адвозкі ўраджаю.
Сёлета, як і ў мінулым годзе, гэтай культурай занята 900 гектараў. Вырашчана 10 сартоў, у тым ліку 5 айчыннай селекцыі і 5 замежнай (нямецкія і галандскія). Уборку пачалі з нямецкага сорту «гала», для якога характэрныя белая скура і добры таварны выгляд. Ацэньваць ураджайнасць пакуль што рана, паколькі ўбіраюцца ў першую чаргу ўчасткі, якія пацярпелі ад фітафторы. Тэхніка ва ўборцы задзейнічана яшчэ не ўся, поўным ходам праца на бульябных палях пойдзе пасля таго, як будзе завершана ўборка збожжавых і, адпаведна, вызваляцца дадатковыя людзі.
Сяргей АБРАМОВІЧ.
