Талачынскі раённы Дом рамёстваў прыняў удзел у рэспубліканскім Купаллі
На прымеркаванае да Купалля рэспубліканскае свята «Александрыя збірае сяброў» у мінулыя выхадныя з’ехаліся прадстаўнікі ўсіх рэгіёнаў краіны — і афіцыйныя дэлегацыі, і простыя грамадзяне, у якіх жаданне наведаць гасцінны аграгарадок супала з магчымасцю.
Не стаў выключэннем і Талачынскі раён. Некаторыя нашы землякі прыехалі на гулянні, каб паглядзець шматлікія выступленні прафесійных і самадзейных артыстаў, прадэгуставаць прадукцыю прадпрыемстваў харчовай прамысловасці, пасэлфіцца на фоне ўсялякіх цікавых экспазіцый і відовішчаў, паўдзельнічаць у конкурсах, набыць сувеніры. А Талачынскі раённы Дом рамёстваў годна прадставіў наш рэгіён, прапанаваўшы багаты асартымент разнастайных вырабаў дэкаратыўнага і ўжытковага прызначэння: ручнікі, паясы, лялькі, упрыгажэнні для людзей і інтэр’еру, капелюшы, кошыкі і шматлікія іншыя рэчы, створаныя нашымі майстрамі.
Сяргей АБРАМОВІЧ.