Друцку 1020 гадоў. Фотарэпартаж
Захапляльна і пазнавальна сустрэлі сёння жыхары і госці аграгарадка Друцк 1020-гадовы юбілей гэтага населенага пункта.
На тэрыторыі гарадзішча (помнік археалогіі, цэнтр былога Друцкага княства, знаходзіцца на ўскраіне аграгарадка) сіламі ўстаноў культуры раёна была праведзена цікавая, насычаная ўсялякім забаўляльнымі і пазнавальнымі мерапрыемствамі, праграма. Удзельнікі святкавання задобрывалі язычніцкіх багоў, якім пакланяліся нашы продкі, гулялі ў старадаўнія гульні, асвойвалі майстэрства стварэння лялькі-абярэга, знаёміліся з распаўсюджанымі ў старажытнасці на нашай зямлі рамёствамі (саломапляценне, ткацтва і інш.), слухалі старадаўнюю музыку ў выкананні ансамбля «Друцічы» Талачынскай дзіцячай школы мастацтваў. Талачынскі гісторыка-краязнаўчы музей прадставіў экспазіцыю археалагічных знаходак, што распавядаюць пра побыт нашых продкаў, якія жылі на гэтай зямлі за тысячы гадоў да нашай эры. Клуб «Сям’я» Славенскага СДК наварыў для гасцей свята юшкі — прама на месцы гулянняў, у чыгунах на вогнішчы.
Іншыя падрабязнасці свята вы знойдзеце ў адным з бліжэйшых нумароў газеты «Наша Талачыншчына» і ўбачыце ў відэароліку, які будзе размешчаны на нашых інтэрнэт-рэсурсах.
Читайте также:
Крестным ходом прошли верующие из Толочина в Друцк (+фото)
Красота здешних мест неописуемая