Міні-відэарэпартаж з бульбяных палёў Талачынскага кансервавага завода
Як вы ўжо ведаеце, у мінулы чацвер Талачынскі кансервавы завод пачаў капанне бульбы. Работы, нагадаем, стартавалі на палях у ваколіцах вёскі Коласава, дзе сёлета вырошчваўся сорт «Гала». Па стане на ўчарашні дзень бульбаўборачныя камбайны ужо наблізілся да Коласава, выкапаўшы большую частку поля паміж вёскай і лясным масівам уздоўж дарогі Р19.
Прапануем вашай увазе двуххвілінны відэаролік, які дэманструе ўвесь працэс уборкі бульбы: прычапныя камбайны накопваюць яе ў свае бункеры і перасыпаюць у грузавыя аўтамабілі. Запісы зроблены ў пятніцу, 20 жніўня (на другі дзень пасля пачатку работ).
Аўтар роліка
Сяргей АБРАМОВІЧ.