Новы краязнаўчы інфармацыйны рэсурс бібліятэкі
Інфармацыйныя тэхналогіі ўсё больш актыўна пранікаюць у паўсядзённае жыццё, у тым ліку і ў бібліятэчныя працэсы. Асабліва актыўна на бібліятэчных сайтах ствараюцца краязнаўчыя рэсурсы.
На сённяшні час бібліятэкарамі ДУК «Талачынская цэнтралізаваная бібліятэчная сістэма» складзены краязнаўчы рэсурс «Мае землякі — удзельнікі Вялікай Айчыннай вайны», які даступны на ўласным сайце ў раздзеле «Краязнаўства». Рэсурс уяўляе сабой базу даных, дзе прадстаўлены звесткі пра вядомых ураджэнцаў краю, маючых дачыненне да вялікага подзвігу ў час Вялікай Айчыннай вайны. Раздзелы рэсурса: «Героі Савецкага Саюза — нашы землякі», «Ураджэнцы Талачыншчыны на франтах Вялікай Айчыннай вайны», «Нашы землякі — удзельнікі партызанскага руху на Беларусі», «Ураджэнцы Талачыншчыны — удзельнікі Параду Перамогі на Чырвонай плошчы ў Маскве 24 чэрвеня 1945 года». Рэсурс змяшчае звесткі аб 73 персаналіях. У сваю чаргу кожны раздзел рэсурса змяшчае біяграфічныя звесткі і звесткі аб удзеле асобы ў баявых дзеяннях у час вайны, а таксама крыніцы інфармацыі з друкаваных і электронных носьбітаў. Неабходна дадаць, што гэта далёка не поўны пералік герояў вайны-нашых землякоў. Пошук працягваецца. Чакаем паведамленняў ад карыстальнікаў сайта. Па меры назапашвання матэрыялу даны рэсурс будзе прадоўжаны.
Выкарыстанне ў дзейнасці бібліятэкі электронных рэсурсаў дазволіла бібліятэкарам зрабіць краязнаўчую інфармацыю больш аператыўнай, адкрытай, даступнай і прывабнай.
Спадзяёмся на актыўнае спажыванне электроннага рэсурсу.
Ірына ТРУХАНЁНАК,
бібліятэкар аддзела маркетынгу.